Ninna Nanna

(M.Morini)

Bonn-a nêutte mæ piccinn-a

dormi fin ch’a l’è mattinn-a,

questa ninna mì te canto

e te resto chi daccanto.

Dormi ben, mæ scignorinn-a

finn-a quande l’è mattinn-a,

tutta e nêutte saiò chi

a veggià in scie de tì.

No te pêu succede ninte

no tì devi avei mai puia,

mì restiò vixin a tì

coscì ben porriæ dormì.

Bonn-a nêutte mæ bambinn-a

saiò chi doman mattinn-a

quande tì arviè i têu euggi

mì aviò appenn-a averto i mæ.

Dormi dormi, mæ piccinn-a

fïto se faià mattinn-a,

quande o sô o t’adescià

un atro giorno o l’inisià.

Se quarcun vêu fâte mâ

de segûo no gh’a faià,

perché no l’existe chi

o l’è forte ciù de mì.

E se o sêunno no l’è bello

se t’adesci e no me treuvi,

no ti devi cianse, mì

saiò sempre drento tì.

Saiò sempre insemme a tì.

Ninna Nanna

(M.Morini)

Buona notte mia piccina,

dormi fino a domattina,

questa ninna io ti canto

e ti resto qui accanto.

Dormi bene mia signorina

fino a quando è mattina

tutta la notte sarò qui

a vegliare su di te.

Non ti può succedere niente

non devi aver mai paura,

resterò vicino a te

così potrai dormire bene.

Buona notte mia bambina

sarò qui domani mattina

quando aprirai gli occhi

avrò appena aperto i miei.

Se qualcuno vuol farti male

di sicuro non ce la farà

perché non esiste

chi è più forte di me.

E se il sogno non è bello

se ti svegli e non mi trovi

non devi piangere

io sarò sempre dentro te

Sarò sempre insieme a te