O Computer

(P. Parodi)

Ormai o mondo l'è informatizzou,
se no ti stæ a-o passo ti t'è fregou,
coscì ho deciso, da lunedì,
un bello computer m'accatto anche mì.

E finalmente me l'han installou,
o ciù veloxe, o ciù attrezzou,
oua ve conto, a no l'è 'na pansann-a,
cosse m'è successo in te 'na settemann-a.

O primmo giorno me g'assetto davanti,
pè non inciasträlo m'infïo anche i guanti,
o creuvo ben pè avvardâ a vernixe,
a garansia a metto in cornixe.

E martedì l'è arrivou mæ cuxin,
che l'è vint'anni ch'ou vive a Dublin,
o me dixe: "I like your house",
e comme d'incanto sparisce o mæ mouse.

Poi se presenta so figgio Johanni,
c'ou pâ 'na scròssua d'attaccapanni,
o parla in ingleise, no capiscio un belin,
capiscio, però, ch'o fà feua o tappetin.

Mercoledì mæ barba Pasquale,
che a forsa de troffie o peisa un quintale,
o molla 'na quägia, ghe cazze a dentëa,
o polverissa a povia tastea.

Zeuggia mæ figgio che o l'è sempre fêua,
o vegne insemme ai compagni de schêua.
"Dovemmo fâ 'na riçerca in scè Dante",
xattan o modem e pure a stampante.

Venerdì, 17, arria mæ moggê,
che me s' inghèugge sempre in t'ì pè,
cö detersivo a se mette a pulì,
và in cûrto-circùito o lettore C.D.

Sabbo mæ figgia ch'a l'ha pè galante
un "pescou de canna" de Sestri Levante,
sempre in ritardo pè corrî a-a stazion,
s'ingamba in tò cavo d'alimentazion.

Domenega poi de primma mattinn-a,
mì ëo bersagliere, no son 'na belinn-a,
voeivo sarvâ tutto quello che resta,
me inciampo pè-e scae, me rompo anche a testa.

E a mæ illusion de tecnologia,
in t'è 'na settemann-a a l'è proprio svania,
son triste, avvilio, no gh'a fasso ciù,
ma...son sempre i stessi a piggialo in tò cû?

Il Computer

(P. Parodi)

Ormai il mondo è informatizzato,
se non stai al passo tu sei fregato,
così ho deciso, da lunedì,
un bel computer mi compero anch'io.

E finalmente me l'hanno installato,
il più veloce, il più attrezzato,
ora vi racconto, non è una frottola,
cosa mi è successo in una settimana.

Il primo giorno mi ci siedo davanti,
per non impiastrarlo m'infilo anche i guanti,
lo copro bene per riguardare la vernice,
la garanzia la metto in cornice.

E martedì è arrivato mio cugino,
che son vent'anni che vive a Dublino,
e mi dice: "I like your house",
e come d'incanto sparisce il mio mouse.
Poi si presenta suo figlio Johanni,
che sembra una gruccia di attaccapanni,
parla in inglese, non capisco un bel niente,
capisco, però, che fa fuori il tappetino.

Mercoledì, mio zio Pasquale,
che a forza di trofie pesa un quintale,
tira una scoreggia, gli parte la dentiera,
e polverizza la povera tastiera.

Giovedì mio figlio che è sempre fuori,
viene insieme a dei compagni di scuola.
"Dobbiamo fare una ricerca su Dante",
fregano il modem e pure la stampante.

Venerdì 17, arriva mia moglie,
che mi si imbroglia sempre nei piedi,
col detersivo si mette a pulire,
và in corto-circuito il lettore C.D.

Sabato mia figlia che ha per fidanzato
un "pescatore di canna" di Sestri Levante,
sempre in ritardo per correre alla stazione,
s'inciampa nel cavo di aimentazione.

Domenica poi di prima mattina,
io ero bersagliere, non sono uno stupido,
volevo salvare tutto quello che resta,
m'inciampo per le scale, mi rompo anche la testa.

E la mia illusione di tecnologia,
in una settimana è proprio svanita,
son triste, avvilito, non ce la faccio più,
ma...son sempre gli stessi a prenderlo nel sedere?