Sfortunà
(M.Morini - F.Saba - M.Bosso)

Mì son zâ sensa sciou, appuntamento de laôu, gh'arrivo tra un ôa,
quande sciorto de in cà, ecco a primma massoâ, in stradda s'è formà zâ a côa.
Deciddo alloa de botto de piggià o motorin,
però no me ricordo se g'ho fæto scì o no o pin.
Coscì me rendo conto quante son abbelinà,
e fæti çento metri, ecco che zâ me son fermà...

e m'ou belan, e m'ou belan

Mì son proprio sfortunà,
ninte ancheu me pà anà drito
spero che questa giornà,
a finisce armeno fïto.

Mì son proprio sfortunà,
e cominsa a mæ sventûa,
me dovieiva serrà in cà,
finchè questa sfiga a dûa.

Pè fortunna che gh'è, a dui passi da mì, unn-a fermà do tram,
però poi lezo ben, o cartello che gh'è, o sciopero ancheu.
Coscì alloa vaggo a pè, ma se mette a ciovì, e zû ægua a bulaccæ.

Arrio a l'appuntamento ma son tutta bagnà,
a no l'inisia proprio ben sta casso de giornà.
Gh'è lì davanti un ommo cö giornale in t'e man,
ancheu l'è lunedì, o mæ appuntamento l'è doman...

e m'ou belan, e m'ou belan

Mì son proprio sfortunà,
o l'è anæto tutto storto.
Coscì imparo a no amià,
o lunaio quande sciorto.

Mì son proprio sfortunà,
devo fâ quarcosa fïto.
"Ti te devi serrà in cà",
quarchedun me l'ha zâ dïto.

Sfortunata
(M.Morini - F.Saba - M.Bosso)

Io sono già senza fiato, apuntamento di lavoro, ci arrivo tra un'ora,
quando esco di casa, ecco la prima mazzata, in strada s'è formata già la coda.
Decido allora di colpo di prendere il motorino,
però non mi ricordo se ho fatto sì o no il pieno.
Così mi rendo conto quanto sono stupida,
e fatti cento metri, ecco che già mi son fermata...

ma porco cane, ma porco cane

Io son proprio sfortunata,
niente oggi sembra andare dritto,
spero che questa giornata,
finisca almeno presto.

Io sonn proprio sfortunata,
e comincia la mia sventura,
mi dovrei chiudere in casa
finchè questa sfiga dura.

Per fortuna che c'è, a due passi da me, una fermata del tram,
però poi leggo bene il cartello che c'è, lo sciopero oggi.
Così allora vado a piedi, ma si mette a piovere, e giù acqua a catinelle.

Arrivo all'appuntamento ma son tutta bagnata,
non incomincia proprio bene sta cavolo di giornata.
C'è lì davanti un uomo col giornale nelle mani,
oggi è lunedì, il mio appuntamento è domani.

ma porco cane, ma porco cane

Io son proprio sfortunata,
è andato tutto storto.
Così imparo a non guardare,
il calendario quando esco.

Io son proprio sfortunata,
devo fare qualcosa presto.
"Tu ti devi chiudere in casa",
qualcheduno me l'ha già detto.